२०८१ आषाढ ११, मंगलबार

सरकारया सोच प्रदेशसभाया निर्वाचन छगु चरणय् याकेगु

नृपेन्द्रलाल श्रेष्ठ | गुंलाथ्व पुन्हि ११३७ (अगष्ट ७ २०१७)

व्यबस्थापिका संसद अन्तर्गतया राज्य व्यबस्था समितिइ थौं जुगु प्रदेशसभा सदस्यया निर्वाचन सम्बन्धय् व्यवस्था यायेत दयेकुगु विधेयक, २०७४ या सन्दर्भय् प्राप्त संशोधनया सहलहलय् ब्वतिकासें गृहमन्त्री जनार्दन शर्मां सरकारं फयांफतले प्रदेशसभाया निर्वाचन छगु चरणय् याकेगु सोच दुगु खँ कनादिगु दु । 
 
 
वय्कलं  सरकारं फयांफतलय् प्रदेशसभाया निर्वाचन छगु चरणय् याकेगु सोच दुगु नं स्पष्ट यानादिल । मन्त्री शर्मां उगु  संशोधन विधेयकय् प्राप्त मिसा सहभागिताया सुनिश्चितता व समावेशी, समानुपातिक प्रतिनिधित्व सम्बन्धय् नं सहलह याना निष्कर्ष पिकाये फइगु खँ न्ह्यथनादिल ।
 
 
बैठकय् प्रमुख निर्वाचन आयुक्त डा अयोधीप्रसाद यादवं निर्वाचनया दक्वं  खर्च म्हो याकेत पूर्ण समानुपातिक प्रणाली नाले फइधासें  विदेशय् दुपिं नेपाःमिपिनिगु मताधिकारबारे कानुनी व्यवस्था मदुनि धयादिल । विधेयकय् थीथी स्वीन्याःगु दफाय् सांसद् तय्सं संशोधन प्रस्ताव न्ह्यब्वःगु खः । विधेयकया थप सहलह वइगु बुधवाः जुइगुु  समितिं धाःगु दु  ।
 
Categorized in राजनीति