सरकारी खर्चय् आईफा अवार्ड याये मज्यु : नेता नेपाल
लहनान्युज | तछलागा आमै ११३९ (जुलाई २ २०१९)
आईफा अवाडया बारे माधव नेपालं नेपालीं दुःख सिगु व विदेशी तयेत न्हिइपुइ बांलागु खँ मखु धका धयादिगु दु ।
नेपाल कम्युनिस्ट पार्टी (नेकपा) या वरिष्ठ नेता माधव कुमार नेपालं सरकारी खर्चइ् भारतीय फिल्म अवार्ड (आईफा) याये त्यःगु तयारीया विरोध यानादिगु दु ।
पूर्वसांसद मञ्च नेपालया १९ क्वःगु साधारणसभाय् न्ववानादिसे नेता नेपालं आईफाबारे उगु खँ न्ह्यथनादिगु खः । नगरपालिकां करोडौं फुका अवार्ड यायेगु निर्णय नेपाली फिल्म निर्मातापिं चिन्तित जुगु खनेदुगु धका न धयादिगु खः ।
पर्यटन प्रवर्द्धन यायेगु ध्यान तया थःगु देशया साधन स्रोतयात प्रतिकूल असर मजुइगु बिचाः यायेमा धका नेकपा नेता नेपालं कनादिगु खः ।