सरिफं प्रधानमन्त्री पद पाखें राजिनामा
लहनान्युज | गुंला थ्व षष्ठि ११३७ (जुलाई २९ २०१७)
पाकिस्तानया सर्वोच्च अदालतं प्रधानमन्त्रीया लागि अयोग्य घोषणा याये वं नवाज सरिफ राजिनामा बिगु दु।
अदालतं ‘ससंद व न्याय प्रणाली प्रति इमान्दार मजुगु धाःसें प्रधानमन्त्रीया लागि अयोग्य जुगु’ धकाःय न्यायाधीसपिं एजाज अफजल, एजाज हसन, सइद शेख, आसिफ सइद खोसा व गुलजार अहमदया मंकाः इजलासं सर्वसम्मत निर्णय न्यकूगु खः।
अथेहे सरिफ यात उगु फैसलां निर्वाचन आयोगया सूचिखय् अयोग्यम्ह धकाः सूचित यायेत तक आदेश जारी यागु दु।
प्रधानमन्त्री सरिफयात वंगु दँय् पानामा पेर्पसं सार्वजनिक यागु सूचंया आधारय् नाफा मुलक ब्यवसायय् परिवारया नं लगानि दथ्यागु मू आरोप दु
पाकिस्तानया ७० दँ या इतिहासय्ं अदालतं सरिफयात अयोग्य घोषणा यागु निम्हम्ह बहालवाला प्रधानमन्त्री खः।
थ्व स्वया न्हापा अदालतं सन् २०१२ य् तत्कालिन प्रधानमन्त्री युसुफ राजा गिलानीयात अयोग्य घोषणा यागु खः।
