सर्वरत्न पद्मरन्त सफू थौं पितब्बज्या
नृपेन्द्रलाल श्रेष्ठ | बछलाथ्व चौंथी ११३९ (मे ८ २०१९)
नेवाः न्हयलुवाः पद्मरन्त तुलाधरया जीवनी व थीथी ब्यक्तिपिन्सं भाजु तुलाधरया ब्यक्तित्वयात कयाः पत्रकार जितेन्द्र रसिकं खसभाषं च्वयादीगु सर्वरत्न पद्मरन्त सफू थौं छगु ज्याझ्वः दथुइ पितब्बज्या जुइगु ज्याझ्वः दु ।
उगु सफुया उलेज्या थौं नेपाल कम्युनिष्ट पार्टीया नायः लिसें पुलाम्ह प्रधानमन्त्री पुष्पकमल दाहाल प्रचण्ड याइगु जुगु दु ।
उगु सफूति पत्रकार रसिकं नेवाः न्हयलुवाः पद्मरन्त तुलाधर नाप प्रधानमन्त्री केपि शर्मा ओली, पुलाम्ह प्रधानमन्त्री पुष्पकमल दाहाल प्रचण्ड, जककवि दुर्गालाल श्रेष्ठ, मल्लके सुन्दर नाप थीथी ब्यक्तित्वपि नाप खल्हाबल्हाया आधारय् थुगु सफु तयार यानादीगु खः धका पत्रकार रसिक लहनान्युजयात जानकारी बियादीगु खः ।
थौं येँया क्षेत्रपाटी पार्टी प्यालेसय् हिनय्सिया २ः०० ताः इलय् उगु सफू पितब्बज्या जुइत्यःगु खः ।
