सर्वसम्मत मजुसा निर्वाचन पाखें मुख्यमन्त्री क्वःछिइगु
लहनान्युज | सिल्लाथ्व चर्तुदशी ११३८ (जनवरी ३० २०१८)
नेकपा एमालेें प्रदेशय् सर्वसम्मत मजुसा निर्वाचन पाखें हे मुख्यमन्त्री क्वःछिइगु निर्णय याःगु दु । वाम गठबन्धनया सहमति जुगु कथं थःपिनगु भागय् लागु मुख्यमन्त्री, सभामुख व उपसभामुखया क्वछिगु धकाः पार्टीया मूज्याकुथि धुम्बाराहीलय् थौं च्वंगु स्थायी समितिया मुँज्यायां मुख्यमन्त्री क्वःछिगु जिम्मा प्रदेश संसदीय दलयात बिइगु निर्णय यागु दु ।
पार्टी उपाध्यक्ष वामदेव गौतमया अनुसार मुख्यमन्त्री क्वःछित पार्टीया केन्द्रीय तह नं दबाब मबिगु निति काःगु खः ।
प्रदेश संसदीय दलया नेता सर्वसम्मत छाने यायेगु प्रयास यायेगु सर्वसम्मत मजुइ खःसा
निर्वाचन पाखें हे क्वःछिइगु स्थायी समितिया मुँज्या हे याइगु धकाः नं धाःगु दु ।
एमालेें प्रदेश नं १, ३, ४ व ५ य् प्रादेशिक सरकारया नेतृत्व याइगु खः । प्रदेश न. ५ य् शंकर पोखरेल संसदीय दलया नेता सर्वसम्मत जुइ धुकुगु दु । एमालया भागय् प्रदेश नं १ य् मुख्यमन्त्रीइ भीम आचार्य व शेरधन राई, ३ य् अष्टलक्ष्मी शाक्य व राजेन्द्र पाण्डे, ४ य् पृथ्वीसुब्बा गुरुङ्ग व किरण गुरुङ्गं दाबी याना वयाच्वंगु दु ।