सर्वोच्चय् कचवं : प्रधानन्यायाधीश राणायात सर्वोच्चय् दुहांवने मबीगु बारया तयारी
कछलाथ्व अष्टमी ११४२, कात्तिक २६ शुक्रबाः
प्रधानन्यायाधीश चोलेन्द्र शमशेर राणाया राजीनामा माग यासें सर्वोच्च अदालतय् न्ह्याःगु लफडा झन तच्वःगु दु ।
म्हिगः सर्वोच्च परिसरय् प्रहरी व आन्दोलनकारी वकिलतय् दथुइ ल्वापु जुइधुंकाः नेपाल बार एशोसियसनं थौं प्रधानन्यायाधीश राणायात सर्वोच्च अदालत दुहां हे वनेमबीगु कथं आन्दोन याइगु जूगु दु ।
उकिया लागि. ज्याकू ई न्ह्याये न्ह्यः हे बार दुजःतय्सं बार एशोसियसनय् सःतूगु दु । बारया मू छ्यान्जे लीलामणि पौडलं विज्ञप्ति जारी यासें शुक्रबाः सुथय् ९ताःत्या इलय् हे दक्वं कानुन व्यवसायीतय्त बार परिसरय् उपस्थित जुइत धाःगु दु ।
सर्वोच्च अदालतया छुं नं वेञ्चय् बहस मयायेगु धासें बारं न्यायाधीशतय्त नं प्रधान न्यायाधीश राणां क्वःछीगु इजलासय् मच्वनेत धाःगु दु । प्रधानन्यायाधीश राणाया राजीनामा माग यासें बारं थ्व हे वालंनिसें न्हिं निघौ हाकूगु पट्टी चिनाः स्वनिगःया अदालतय् धर्ना बियावःगु दु ।
न्यायाधीशतय्सं कात्तिक २८ गतेनिसें इजलास बहिस्कार यानावःगु दु । सर्वोच्च न्यायालयस ब्वलंगु पंगःया तप्यंक मार धाःसा सर्वसाधारणयात लाःगु दु । वंगु निवाः दुने सलंसः मुद्दाय् सुनुवाई द्यूगु दु ।
Categorized in राष्ट्रिय