ससफो १३ वडाय् नेतृत्वय् श्रीकृष्ण महर्जन
लहनान्युज | सिल्ला सप्तमी ११३९ (फ्रेअवरी २५ २०१९)
सङ्घीय समाजवादी फोरम, नेपाल येँ महानगरपालिका वडा नं १३ या न्हांपागु वडा अधिवेशन कालिमाटीया एफ टेन ब्यान्क्वेट क्वचाःगु दु ।
छगु ज्याझ्वः दथुइ पार्टीया सहअध्यक्ष नाप सांसद राजेन्द्र प्रसाद श्रेष्ठं ‘सच्चा सङ्घवादीपिन्सं जक पहिचान व अधिकार सहितया सङ्घीयतायात आत्मसात याइ धयादीसे पहिचान विरोधीपिन्त टेवा बिइगु धइगु सर्पयात दुरु त्वःकेगु धइथे खः धयादील ।
अथेहे वयकलं वर्तमान प्रधानमन्त्रीं साम्यवादीया खोल पुना हिन्दुवाद व जातीय शासनयात पुनरावृति यायेगु स्वया च्वंगु द्धपः न बियादीगु खः ।
जुजुकाजी महर्जनया अध्यक्षताय् जुुगु उगु अधिवेशनय् पार्टीया केन्द्रीय सल्लाहकार समितिया प्रमुख डा महेशमान श्रेष्ठं आदिवासी जनजाति, मधेसी, मुस्लिम, खस लगायत दक्को उत्पीडित तयेगु मुद्दा ससफो जक याइ धका स्पष्ट यानादील । वयकलं ‘ससफाें सतक विस्तारया नामं नेवाः तयेत विस्थापन, आउटर रिङ्रोडया नामं आप्रवासन अप्वकेगु सरकारी नीति,
ऐतिहासिक सम्पदा संरक्षण थे ज्यागु मुद्दामा सदनय् सः थ्वकिगु ससफो जक याइ धया थःगु बिचाः तयादील ।
उगु वडा अधिवेशनय् केन्द्रीय सदस्य नाप महानगर इन्चार्ज पवित्र वज्राचार्य जिल्ला अध्यक्ष मनरत्न शाक्य, जिल्ला सचिव सुवर्ण श्रेष्ठ, जिल्ला समिति सदस्य श्यामकृष्ण प्रजापति, राजाराम तण्डुकार, पार्टी जिल्ला सदस्य नाप महानगर अध्यक्ष मंगल रत्न ताम्राकारपिनिगु न ज्याझ्वलय् ब्बति दुगु खः ।
उगु अधिवेशनया बन्द सत्रं सर्वसम्मतं ९ म्हेसियागु वडा समिति निर्वा्चित जुगु खः । उगु समिति थुकथ दु ।
१. अध्यक्ष श्रीकृष्ण महर्जन
२. उपाध्यक्ष मञ्जुरी महर्जन
३. सचिव रविन्द्र मानन्धर
४. कोषाध्यक्ष भाइराजा तुलाधर
५. सदस्य मंगल नारायण मानन्धर
६. सदस्य सानुमैयाँ डंगोल
७. सदस्य लक्ष्मी डंगोल
८. सदस्य अशोक मालाकार
९. सदस्य सुमन महर्जन
