सहमतियात हल्का कथं मकायेत ख्याच्वः
लहनान्युज | गुंलाथ्व पारु ११३७ (जुलाई २४ २०१७)
राष्ट्रिय जनता पार्टी नेपालं थःपिंलिसे तक्वः मछि याःगु सहमतियात हल्का कथं काल धाःसा भविश्यय् गम्भीर लिच्वः लाइ धकाः ख्याच्वः बियादीगु दु ।
व्यवस्थापिका संसदाय सोमवाः च्वंगु बैठकय् विशेष ई कया न्वंवासें राजपाया सांसद महेन्द्र राय यादवं अथे धयादीगु खः । वय्कलं यथास्थितइ थःपिं निर्वाचनय् वने फइगु अवस्था मदु धयादिसें थःपिनिगु मागयात हल्क कथं मकायेत ख्याच्वः तकं बियादिल ।
वय्कलं संविधान संशोधन प्रस्ताव न्ह्यः ने यंकेत, राजनीतिक मुद्दा लित कायेत नापं सहिद घोषणा यायेतम माग यानादीगु खः । बैठकय् सांसदतय्सं समसामयीक विषयसं सरकारया ध्यानाकर्षण यानादीगु खः
