सहिद धर्मभक्तया पूर्ण कदया शालिक प्रतिस्थापन यात
लहनान्युज | सिल्लाथ्व तृतिया ११४० (जनवरी २७ २०२०)
सहिद धर्मभक्त माथेमां अमरत्व प्राप्त याउगु थाय् सिफलय् पूर्ण कदया शालिक प्रतिस्थापन याउगु दु ।
थौं सहिद सप्ताहया झ्वलय् माथेमा अमरत्व प्राप्त याउगु थाय् छगु ज्याझ्वः दथुइ येँ महानगरपालिकाया प्रमुख नाप सहिद सप्ताह मूल समारोह समितिया संयोजक बिद्यासुन्दर शाक्यं उगु शालिक अनावरण यानादिगु खः ।
उगु ज्याझ्वलय् थःगु खँ तयादिसे महानगरया मेयर शाक्यं व्यक्तिगत उन्नति स्वया च्वय् च्वना सामुहिक समृद्धिया लागि सहिद धर्मभक्त माथेमा ज्यानया बाजी तया खँ कनादिगु खः । वयकः याउगु थुगु लँयात झीस न नालाकायेगु स्वयेमाः धका धयादिगु खः ।
उगु ज्याझ्वलय् मनपाया उपप्रमुख हरिप्रभा खड्गी श्रेष्ठ, वडा नं. ७ या वडाध्यक्ष शुद्धकुमार डंगोल,ं शिक्षाबिद् एवं त्रिभुवन बिश्वबिद्यालयका पूर्व उपकुलपति केदारभक्त माथेमा, माथेमा
गुठीया अध्यक्ष नरेशरामभक्त माथेमा न थःथःगु खँ तयादिगु खः ।
उगु शालिक कलाकार महेश तुलाधरं दयेका दिगु खः ।
