२०७९ जेठ ७, शनिबार

सहिद स्मारक ‘ए’ डिभिजन लिगय् ९गूगु चरणया कासा क्वचाल

पोहेलागा पारु ११४२, माघ ४ मंगलवाः

सहिद स्मारक ‘ए’ डिभिजन लिगय् सोमबाः निसें ९गूगु चरणया कासात क्वचागु दु ।

९गूगु चरणया लिपांगु कासाय् जावलाखेल युथ क्लबयात न्युरोड टिम (एनआरटीं) २गू–०या गोल अन्तरं बुकुगु दु  । कासा त्यागु लिसें एनआरटीं ९ गू कासां १३गू ल्याः मुंकुगु दु ।

एनआरटी ६गूगु थासय् दु । ९गूगु चरणया कासा क्वचाबलय् लिगय् मच्छिन्द्र २३ गू ल्याः लिसें शीर्ष थासय् दु ।

१९गू ल्याः मुंकुगु मनाङ निगूगु थासय् दु । त्रिभुवन आर्मी १७गू ल्याः लिसें ३गूगु थासय् दुसा ४गूगु थासय् दूगु थ्री स्टारं १६गू ल्याः मुंकुगु दु ।

थुगु चरणय् च्यासल व पुलिसया कासा कासामिइ कोरोना संक्रमण जुइधुंका लिछयागु खः । थ्वहे दथुइ नेपाःया राष्ट्रिय फुटबल टोलीया बन्द प्रशीक्षण थांैनिसें जुइत्यंगु दु ।

माघ १५ व १८ गते मोरिसस विरुद्ध जुइगु अन्तर्राष्ट्रिय मैत्रीपूर्ण कासाया नितिं टोलीया बन्द प्रशिक्षण जुइत्यंगु खः ।

Categorized in कासा