सहिद स्मारक ‘ए’ डिभिजन लिग फुटबलय् थौं ३गू कासा जुइगु
थिंला चतुर्दशी ११४२, पुष ३ सनिवाः
सहिद स्मारक ‘ए’ डिभिजन लिग फुटबलय् थौं ३गू कासा जुइत्यंगु दु । ५गूगु झ्वया कासा अन्तर्गत त्रिपुरेश्वरस्थित दशरथ रंगशालाय् निगू कासा जुइ ।
छगू कासा धाःसा पोखराय् जुइ । दशरथ रंगशालाय् जुइगु न्हापांगु कासाय् च्यासल युथ क्लब व जावलाखेल युथ क्लब दथुइ धेंधेंबल्ला जुइ । च्यासल व जावलाखेल दथुया कासा न्हिने १ ता इलय् न्ह्याइ ।
च्यासल ४ गू कासाय् ४गू ल्याः मुना १०गूगु थासय् दु । जावलाखेल १गू ल्याः मुना १३गूगु थासय् दु । रंगशालाय् जुइगु मेगु कासाय् थ्री स्टार क्लब व न्युरोड टिम एनआरटी दथुइ धेंधेंबल्ला जुइ ।
निगू टोली दथुया कासा सनिलय् ४ ता ई जुया ४५ गू मिनेटय् न्ह्याइ । थ्री स्टार ४गू कासाय् ५गू ल्याः मुना ६गूगु थासय् दु । एनआरटी ५गू ल्याः मुना ९गूगु थासय् दु ।
पोखरा रंगशालाय् जुइगु कासाय् मनाङ मर्स्याङ्दी क्लब व नेपाल पुलिस क्लब दथुइ धेंधेंबल्ला जुइ । मनाङ व पुलिस दथुया कासा न्हिने २ता इलय् न्ह्याइ ।
सहिद स्मारक ’ए’ डिभिजन लिगया इतिहासय् न्हापांखुसिइ स्वनिगः पिने कासा जुइत्यंगु खः । कीर्तिमानी ८क्वःखुसिया च्याम्पियन मनाङ ४ गू कासाय् १०गू ल्याः मुना निगूगु थासय् दु् ।
मनाङ पुलिसयात बुका शीर्ष थासय् थ्यनेगु मनंतुनाय् दु । पुलिस ४गू कासाय् ५ गू ल्याः मुना ८गूगु थासय् दु । पुलिस आर्मीयात बुका शीर्ष ५गूगुलिइ थ्यनेगु मनंतुनाय् दु ।
Categorized in कासा