सांसद गिरीयात संविधान संशोधन प्रस्ताव लित कायेत निर्देशन
समाजवादी पार्टीया सांसद सरिता गिरीं व्यक्तिगत रुप दर्ता याःगु संविधान संशोधन प्रस्ताव लित कायेत निर्देशन बिःगु दु ।
 
थौं बुधवाः पार्टीया प्रमुख सचेतक उमाशंकर अरगरियां छगू विज्ञप्ति जारी यासे गिरीयात संशोधन प्रस्ताव लित कायेत निर्देशन बिःगु दु । पार्टी उगु प्रस्ताव लित मकासा कारबाही यायेगु चेतावनी तक बिःगु दु ।
 
सरकारं लिम्पियाधुरा सहित नेपाल याःगु न्हुग नक्सा समेट याना निशान छाप संशोधन यायेत पेश याःगु संविधान संशोधन विधेयक खारेज यायेगु माग यासे गिरीं संसदय् मेगु संशोधन प्रस्ताव संसदय् दर्ता याःगु खः । स्रोत व प्रमाण मगा धाःसे उगु प्रस्ताव खारेज यायेत माग यागु खः ।
 
सांसद गिरीया उगु प्रस्तावय् तसक विरोध जुया च्वंगुलि पार्टीं थज्याःगु चेतावनी बिःगु खः ।
 
मंगलवाः जक संविधान संशोधन सम्बन्धी विषयय् दक्को दलया सैद्धान्तिक सहमति याःगु खः । तर गिरीं छम्हेसिया जक संशोधन प्रस्ताव दर्ता याःगु खः ।
 
Categorized in राजनीति