सांसद यादव अपरहण मुद्दाय् सरकारी वकिल नं उजुरी मकाल
जिल्ला सरकारी वकिल कार्यालयं नं समाजवादी पार्टीया सांसद डा. सुरेन्द्र यादवयात अपहरण याःगु मुद्दायात जाहेरी कायेत अस्वीकार याःगु दु । 
 
थौं मंगलवाः समाजवादी पार्टी तछ्यायेगु निंतिं यादवयात निर्वतमान प्रहरी महानिरीक्षक सर्वेन्द्र खनाल, सांसदपिं महेश बस्नेत व किसान श्रेष्ठं अपहरण यानाहःगु धका जनता समाजवादी पार्टीया नेतात सरकारी वकिल कार्यालय नं जाहेरी बिइत वंगु खः ।
 
वःगु आइतवाः महानगरी प्रहरी परिसर टेकुइ जाहेरी बिइत वःगु इलय् उगु घटना महोत्तरीइ जुगुलि जाहेरी काये मिले मजू धका जाहेरी मकाःगु खः । 
 
आः कतिनि एकीकरण जूगु जनता समाजवादी पार्टीया नेतात बाबुराम भट्टराई, राजेन्द्र महतो, राजेन्द्र श्रेष्ठपिं सरकारी वकिल कार्यालयय् जाहेरी बिइत वंगु खः ।
 
अथेहे, नेकपाया छपुचः कार्यकर्तापि डा.बाबुराम भट्टराई विरुद्ध उजुरी बीत थौं हे सरकारी वकिल कार्यालय् वःगु खः । डा.भट्टराईं रेडियो नेपालय् अन्तर्वार्ताय् प्रधानमन्त्री केपी ओलीयात भष्मासुर, पंगु, निरंकुश सरकार धका धाःगु धासें वय्कः विरुद्ध उजुरी बिइत सरकारी वकिल कार्यालयय् वंगु खः ।
 
Categorized in राजनीति