सांसद श्रेष्ठं भजन खलःयात बाजं ज्वलं ग्वाहालि
शोभा श्रेष्ठ | थिंलागा एकादशी ११४०
संघीय सांसद जीवनराम श्रेष्ठं कामपा १९ वडा दोकाधःस्थित श्री बालगोपाल भजन संचालन संस्थायात बाजं ज्वलं लःल्हानादीगु खः ।
दोकाधलय् जूगु छगू ज्याझ्वलय् सांसद श्रेष्ठं संस्थायात बाजं ज्वलं लःल्हानादीगु खः । श्रेष्ठं संस्थाया नायः अम्विका सिंहयात वाद्य ज्वलं लःल्हानादीगु खः ।
ज्याझ्वलय् श्रेष्ठं थःगु जन्मदिं लाकाः धार्मिक ज्या यानागु जानकारी बियादिल । श्रेष्ठं जन्मदिं लाकाः थज्याःगु पुण्य ज्या यायेखनाः आनन्दया अनुभूति जूगु श्रेष्ठं धयादिल ।
ज्याझ्वलय् कामपा १९ वडाध्यक्ष शशीलाल श्रेष्ठ व १८ वडाध्यक्ष न्हुछेँकाजी महर्जनया नं उपस्थिति दुगु खः ।
ज्याझ्वलय् न्ववासें वडाध्यक्ष शशीलाल श्रेष्ठं सांसद श्रेष्ठं यानाच्वंगु सामाजिक ज्याया प्रशंसा यानादिल ।
Categorized in राष्ट्रिय
