साइप्रसय् नःगु मिं कजय् कायेत ग्वहालिया अपिल
बछलागा दशमी ११४१, असार २० गते आइतबाः
साइप्रसय् तसंक न्यनावंगु मिं कजय् कायेत अन्तर्राष्ट्रिय ग्वहालिया नितिं अपील याःगु दु ।
साइप्रसय् आःतकया हे दकले बाँमलागु व तसकं मिं नःगु अधिकारीपिन्सं धाःगु दु । तीव्र गतिइ न्यनाच्वंगु फय्या कारणं मिं नयावंगु दु ।
दक्षिणी लिमासोल जिल्लाया जंगलय् मिं नःगु हुनिं अनया थीथी गाँया वासिन्दायात सुरक्षित थासय् यंकूगु दु । दर्जनौँ छेँ त मिं नयाँ ध्वस्ता जूगु दु । तर आःतक मानविय क्षति धाःसा जूगु मदुनि ।
साइप्रसय् वंगु छुं वानिसें तसकं तांन्वया च्वंगु दु । तापक्रम ४०गू डिग्री सेल्सियस तक्क थ्यंगु दु । विज्ञतय्सं जलवायु परिवर्तनया प्रभावया कारण आकस्मिक लिसें खराब मौसमी गतिविधि न्हापा सियां अप्वःगु जुइगु धासें चेतावनी बिउगु दु ।
Categorized in अन्तर्राष्ट्रिय
