साउथह्याम्पटनयात बुकाः चेल्सी थहांँवन प्रिमियर लिगया शीर्ष थासय्
ञंलागा द्धादशी ११४१, असोज १७ आईतवाः
साउथह्याम्पटनयात बुकाः चेल्सी इंग्लीश प्रिमियर लिग फुटबलया शिर्ष थासय् थहांवंगु दु ।
वंगु चान्हय् थःगु हे ख्यलय् जूगु कासाय् चेल्सी ३–१ गोलं त्याःगु खः । साउथह्याम्प्टन विरुद्ध चेल्सीयात त्याकेत टिमो वेर्नेर, बेन चिलवेल व ट्रेभो चालोभां १, १ गोल यात । साउथह्याम्पटनया जेम्स वार्ड प्रौजं १ गोल लित ब्यूगु खः ।
कासा त्याःगुलिसें चेल्सी ७ कासां १६ ल्याः मुंकाः धलःया शिर्ष थासय् थहांवंगु दु । छगू कासा म्ह्वः म्हितूगु लिभरपुल १४ ल्याःलिसें निगुगु थासय् दु । लिभरपुलं थौं स्वंगूगु थाय्या म्यान्चेस्टर सिटीलिसे म्हिती ।
वंगु चान्हय् हे जूगु मेगु कासाय् आर्सनलं ब्राइटनलिसे गोल मजूगु ज्वलिंज्वः म्हितूबलय् म्यान्चेस्टर युनाइटेड व एभर्टनं १–१ गोलया ज्वलिंज्वः म्हितूगु दु ।
Categorized in कासा
