साउन २५ निसे ८ गते तक अत्यावश्यक बाहेक सेवा बन्द
लहनान्युज | गुंलागा ३ ११४०,साउन २२ बिहीवाः
कोरोना भाइरसया सङ्क्रमण अप्वःया वःगुलि जिल्ला प्रशासन कार्यालय काठमाण्डौं अत्यावश्यक बाहेकया सेवा बन्द याःगु दु ।
जिल्ला प्रशासन कार्यालय काठमाण्डौं थौं शुक्रवाः छगू विज्ञप्ति मार्फत साउन २५ गते निसे भदौ ८ गते तक अत्यावश्यक बाहेकया मेगु सेवा बन्द यायेगु निर्णय याःगु दु ।
नागरिकपिन्त सामाजिक दुरी कायम याये माःगु, स्यानिटाइजर प्रयोग याये माःगु, भिडभाड मयायेत इनाप यासे अत्यावश्यक बाहेकया सेवा बन्द यायेगु निर्णय याःगु जिल्ला प्रशासन
कार्यालयं धाःगु दु ।
आः न्हुगु नागरिकता व प्रतिलिपि वितरण, संस्था दर्ता व नवीकरण, हातहतियार दर्ता व नवीकरण, राहदानी वितरण लगायतया सेवा बन्द याःगु दु ।
