सागया ईतिहासय् नेपालया सछि स्वर्ण
शोभा श्रेष्ठ | थिंलाथ्व अष्टमी ११४०
सागया ईतिहास नेपालया लुँया पदक ल्याः सछि थ्यंगवु दु ।
१२क्वःगु सागतक्क ७१ लुँया पदक त्याकूगु नेपालं न्ह्यानाच्वंगु १३क्वःगु सागय् लुँया पदक ल्याः २९ थ्यंकेधुंकाः सागया ईतिहासय् मुक्कं लुँया पदक ल्याः सछ थ्यंगु खः ।
१३क्वःगु सागय् थौं तेक्वान्दोय् सक्षम कार्कीं लुँया पदक त्याकूगुलिसें नेपालया लुँया पदक ल्याः २९ थ्यंगु खः ।
थौं नेपालं खुगू लुँया पदक त्याकल ।
नेपालं बुधबार साइक्लिङय् निगू, तेक्वान्दोय् निगू अले कराँते व उसुइ छगू, छगू लुँया पदक त्याकल ।
पदकया धलखय् धाःसा नेपाल निगूगु थासय् कुहांवःगु दु । २९ लुँया पदकलिसें नेपाल निगूगु थासय् दुसा लुँया पदक ल्याः ३४ थ्यंकाः भारत शीर्ष थासय् थहांवंगु दु ।
९ लुँया पदक त्याकूगु पाकिस्तान निगूगु अले श्रीलंका ८ लुँया पदकलिसें प्यंगूगु थासय् दु ।
न्यागूगु थायया बंगलादेशया ४ स्वर्ण दुसा माल्दिभ्सया छगू लुँया पदक दु ।
भुटान प्यंगू कँयया पदकलिसें दक्कले ल्यूने लानाच्वंगु दु ।
Categorized in कासा
