सागया उलेज्या व समापन कुन्हु जोर विजोर लागू याइगु
लहनान्युज | थिंलाथ्व द्धितिया ११४० (नोभेम्वर २६ २०१९)
१३ क्वःगु दक्षिण एसियाली खेलकुद कासा (साग) या उलेज्या व समापनया दिं कुन्हु सवारी साधनय् जोर विजोर प्रणाली लागू याइगु जुगु दु ।
थौं बिहीवाः तयारी समितिया पत्रकार सम्मेलनय् प्रहरी महानिरीक्षक सर्वेन्द्र खनालं मंसिर १५ गते उलेज्या कुन्हु विजोर नम्बर व मंसिर २४ गते समापनया दिं कुन्हु जोर नम्बरया गाडी जक चले यायेत इनाप याउगु दु ।
१३ क्वःगु दक्षिण एसियाली खेलकुद (साग) या इलय् पुलागु गाडी चले मयायेत ट्राफिक प्रहरी इनाप याउगु दु ।
महानगरीय ट्राफिक प्रहरी महाशाखां येँय् साग खेलकुद सञ्चालन जुइगु इलय् ट्राफिक व्यवस्थापन चुस्त दुरुस्त, व्यवस्थित व सुरक्षित दयेकेत ८ बुँदे विशेष अनुरोध न जारी याउगु खः ।
