सागय् पदक विजेता गल्फ कासामियात हन
नेपाल गल्फ संघं सागया पदक विजेता कासामि, प्रशिक्षक व टिम व्यवस्थापकपिन्त हंगु दु । अथे हे संघं कासामियात गल्फया कासाया हलंज्वलंतकं लःल्हाःगु खः ।
 
नेपालय् जूगु झिंस्वक्वःगु सागय् नेपालं निगू स्वर्ण व निगू कास्य पदक त्याकूगु खः ।
 
नेपाःया सुवास तामाङं स्वर्ण पदक त्याकूगु खः ।
 
अथे हे शुक्रबहादुर राईं काश्य पदक त्याकूगु खः । नेपालं मिजंपिनिगु टिम इभेण्टपाखे नं स्वर्ण पदक त्याकूगु खः ।
 
टिम इभेण्टय् नेपाःपाखें सुवासलिसें शुक्रबहादुर राई, टंकबहादुर कार्की व नीरज तामाङ दुगु खः ।
 
अथे हे मिसापिनिगु टिम स्पर्धाय् नं नेपालं काश्य पदक त्याकूगु खः । मिसापिनिगु टिमय् काश्मिरा शाह, रविना श्रेष्ठ व उस्मा कोइराला दुगु खः ।
 
कासामिपिन्त नेपाल ओलम्पिक कमितिया नायः जीवनराम श्रेष्ठ, राष्ट्रिय खेलकूद परिषदया उपाध्यक्ष पिताम्बर तिम्सिना, संघया नायः टासी धलेपिन्सं हनादीगु खः ।
 
Categorized in कासा