सागय् फुटबलपाखे भुटानया विजयी शुरुवात
१३क्वःगु दक्षिण एसियाली कासा साग अन्तर्गत मिजं फुटबलय् भुटानं विजयी सुरुवात याःगु दु । दशरथ रंगशालाय् सोमबाः भुटानं बंगलादेशयात बुकाः विजयी शुरुवात याःगु खः ।
 
भुटानं बंगलादेशयात १/० बुकाब्यूगु खः । कासाया ६५औं मिनेटय् भुटानया कप्तान चेन्चो ग्याल्सेनं कासाया निर्णायक गोल याःगु खः । 
 
थौं हे जूगु फुटबलया निगूगु कासाय् श्रीलंका व माल्दिभ्सं गोलरहित ज्वलिंज्वः म्हिताः ल्याः इनाकाःगु दु ।
 
न्यागू टिमया ब्वति दुगु मिजं फुटबलय् नेपालं थःगु न्हापांगु कासा मंगलबा भुटानलिसे म्हितेत्यंगु दु । कासा न्हिनसिया १ताः इलय् न्ह्याइ । 
 
अथे हे मंगलबाःया निगूगु कासाय् ५ताः इलय् बंगलादेश व माल्दिभ्स चुलिंचू लाइ ।
Categorized in कासा