साफ च्याम्पियनसिपय् थौं नेपाः व भारत दथुई धेँधेँबल्ला
कौलाथ्व चतुर्थी ११४१, असोज २४ आईतवाः
माल्दिभ्सय् न्ह्यानाच्वंगु साफ च्याम्पियनसीप फुटबलय् थौं नेपालं भारतलिसे धेंधेंबल्ला यायेत्यंगु दु ।
च्याम्पियनसीपया सुरुवाती निगू कासा त्याकेधुंकूगु नेपाः थौंया कासा न त्याकेगु योजनाय् दु । नेपाः व भारतदथुइया कासा नेपाली ईकथं थौं चान्हय् जःछिपाः १०ताः ईलय् न्ह्याइ ।
नेपालं च्याम्पियनसीपया न्हापांगु कासाय् ग्वसाःखलः माल्दिभ्सयात बुकूगु खःसा निगूगु कासाय् श्रीलंकायात बुकूगु खः । उखय् भारतं थुगुसीया च्याम्पियनसीपय् मिहिनेत याःसा कासात खासै बाँलानाच्वंगु खनेमरु ।
थ्वसिवे न्ह्यः भारतं बंगलादेश व श्रीलंकालिसे ज्वलिंज्वः कासा म्हितूगु खः । निगू कासापाखें ६गू ल्या दयेकूगु नेपाः पुचःया शीर्ष थासय् दु ।
४गू ल्या दयेकूगु बंगलादेश निगूगु थासय् दुसा ३गू ल्यालिसे माल्दिभ्स स्वंगूगु अले २गू जक ल्या दयेकूगु भारत प्यंगूगु थासय् दु । थौंया न्हापांगु कासाय् साविक त्याकूमि माल्दिभ्सं श्रीलंकालिसे धेंधेंबल्ला याइ ।
Categorized in कासा
