सामाजिक सञ्जालय् चिठ्ठा लात धका ठगीयापि निम्हेसित ज्वन
लहानान्युज | अनलाथ्व अष्तमी ११४०,असोज ८ बिहीवाः
सामाजिक सञ्जाल इमाय् २५ लाख रुपैयाँको चिट्ठा लात धका ठगीयापि निम्हेसित चितवन प्रहरीं ज्वःगु दु ।
ज्वपि विराटनगर महानगरपालिका ११ या साहिल हुसेन व वडा ९ या कामेश्वर स्वर्णकारयापि खः । विराटनगर प्रहरीया समन्वयय् उमित ज्वःना म्हिगः बुधवाः चितवनय् हःगु खः ।
उमिसं सामाजिक सञ्जालय् इमो छ्यला थीथी मनू तयेत २५ लाखया चिठ्ठा लाःगु दु व प्रहरी नाप मेपिन्त जानकारी बिल धाःसा छिगु ध्यवा दक्को बदर जुइ धका ठगे याना वया च्वंगु खः ।
असोज ४ गते कालिका नगरपालिका ४, चितवन या छम्ह मिसायात पटक,पटक फोन याना चिट्ठा लाःगु व करकट्टीया लागि छु भचा ध्यवा जम्मा यानाब्यू धका दबाब बिया वयाच्वंगु जिल्ला प्रहरी कार्यालय चितवनया प्रवक्ता सूर्यबहादुर थापां जानकारी बिःगु खः ।
उम्ह मिसयात पटक,पटक याना निगु लाख ८० हजार रुपैयाँ ठगी याःगु धका उम्ह पीडित मिसां प्रहरीयात धाःगुलि प्रहरीं उमित मालेगु ज्या जुगु खः ।
आःतक उमित चितवन अदालतपाखे न्ह्यन्हुया म्याद थप याना अनुसन्धान जुया च्वंगु दु धका प्रहरीं धाःगु दु।
Categorized in अपराध
