साहित्य मन्दिरया ख्वीखुक्वःगु बुदिं हन
लहनान्युज | चौलागा आमै ११३९ (मे ४ २०१९)
नेपाल साहित्य मन्दिर ख्वपया ख्वीखुक्वःगु बुदिं हना ज्याझ्वः याःगु दु ।
उगु ज्याझ्वलय् मूपाँहा कथं प्रेम शान्ति तुलाधर झायादीगु खःसा बिरात नेपालभाषा साहित्य सम्मेलन गुथिया नायः कृष्ण भक्त बोडे, रामशेखर लुमन्ति दबूया नायः गोविन्द मान श्रेष्ठ, याताजःया नायः सौरभ शाक्यपिं पाहाँ कथं झायादीगु खः ।
उगु ज्याझ्वलय् रुक्मणी श्रेष्ठयात ‘जरिमैया साखः कुमार लुमन्ति सिरपा’, सुनिल बज्राचार्ययात ‘कुमार साखः लुमन्ति सिरपा’, श्री आकाश भैरव नौबाजा भजन खलःयात ‘सुमन कुमार (परदेशी) राजभण्डारी लुमन्ति सिरपा’ लःल्हाःगु खःसा छत्र राज शाक्य व विजय सागरपिन्त हनेज्या याःगु खः ।
तिलक प्रसाद कायस्थया सभाधक्ष्याताय् जुगुु खःसा रामेश्वर भुजुं ज्याझ्वः न्ह्याकादीगु खः ।
बुखँ: नेवाः सुचना केन्द्र
