सिंगापुर छ्वया बिइ धका ठगे याइम्हेसि प्रहरी ज्वन
लहनान्युज | तछलागा चौथी ११३९ (जुन २१ २०१९)
नुवाकोट गणेशस्थान गा.वि.स. वडा नं. ९ च्वम्ह थौं कन्ह्य तारकेश्वर नगरपालिका मनमैजु च्वम्ह प्रविन पौडेलयात ज्वःगु दु ।
पौंडेलयात येँया.वडा न ४ बिशालनगरय् The apprentice firm Pvt.Ltd. ना या ट्रेनिङ सेन्टर चायेका सिंगापुर छ्वया बिइ धका लय् ६५० डलर तलव स्केल दइ धका भारतया दिल्ली व लखनउलय् छ्वया SOLAS नाया ( पानीजहाजय् ज्या यायेत बिइगु तालिम) तालिम तक बिइगु याना वयाच्वगु खः ।
थी थी प्रलोभन क्यना नगद न्यागु लख कया कया प्रोसेस वना च्वंगु दु धका आलटाल याना सम्पर्क बिहीन जुगु धका झापाया कन्काई नगरपालिकाय् च्वम्ह तिर्थ हमालं बिगु निवेदन बिगु खः ।
पौडेलया लोकेशन ट्रेस याना मकवानपुर जिल्लाय् पारिजातपथय् सुलाच्वंगु अवस्थामा वःगु असार ३ गते ज्वःगु खः ।
प्रारम्भिक अनुसन्धानय् पौडेल ३०० म्ह स्वया अप्व मनू तयेके ६,००,००,००० करोड स्वया अप्वो ठगी याःगु आरोप दु ।
