२०८० फाल्गुण १२, शनिबार

सिआइएं ह्याक याःगु विकिलिक्सया दाबी

लहनान्यूज | चिल्लाथ्व एकादशि ११३७ (मार्च ८ २०१७)

विकीलीक्सं अमेरिकाया केन्द्रीय जाँच ब्यूरो सीआईएं साइबर हतियार छ्यलाः ह्याकिङ यानाच्वंगु खुलासा याःगु दु ।
 
साइबर हतियारया हुनिं विन्डोज, एन्ड्रोयड, आइओएस, ओएसएक्स व लिनक्स कम्प्यूटर अले इन्टरनेट राउटर तकंयात आज्जु दयेका वयाच्वंगु दावी विकीलीक्सया दु । लिसें बेलायतया एमआई फाइभं सामसुङ टीभीइ आक्रमण यायेत साइबर हतियार तयार यायेत ग्वाहालि याःगु दावी नं याःगु दु ।
 
सीआईएया प्रवक्तां धाःसा थुगु दस्तावेजप्रति छुं हे प्रतिक्रिया बी जरुरी मदुगु टिप्पणी याःगु दु । ब्रिटेनया गृह प्रवत्तां नं थुकियाबारे छुं हे प्रतिक्रिया बी मन मक्यं ।
 
उखे अमेरिकी साइबर क्षमताबारे खुलासा याःम्ह एडवर्ड स्नोडेनं धाःसा विकीलीक्सं तःधंगु ज्या याःगु व दस्तावेज पायछि खःगु धाःगु दु । जून २०१४ तिथि न्ह्यथनातःगु दस्तावेजया कथं सामसुङया एफ ८०० सीरीजया स्मार्ट टीभीइ घूसपैठ यायेगु अभियानयात वीपिंग एन्जल नां बियातःगु नं धाःगु द ।
Categorized in अन्तर्राष्ट्रिय