२०८० चैत्र १६, शुक्रबार

सिटीं म्यान्चेस्टर युनाइटेडयात २गू–०या गोल अन्तरं बुकल

कछलाथ्व तुतीया ११४२, कात्तिक २१ आइतबाः

इंग्लीश प्रिमियर लिग फुटबलय् म्यान्चेस्टर सिटीं म्यान्चेस्टर युनाइटेडयात २ग्रू–०या गोल अन्तरं बुकुगु दु ।

वंगु चान्हय् युनाइटेडया मैदानय् जूगु म्यान्चेस्टर डर्बीइ सिटीयात त्याका बिइत बर्नार्डो सिल्भां छगू गोल याःबलय् म्यान्चेस्टर युनाइटेडया डिफेन्डर एरिक बेइलीं छगू आत्माघाति गोल याःगु खः ।

कासा बूगु लिसें म्यान्चेस्टर युनाइटेडया स्यनामि ओले गुन सोल्सायरयात दबाब अप्वःगु दु । लिगय् ११गू कासां १७गू ल्याः मुंकुगु म्यान्चेस्टर युनाइटेड धलःया ५गूगु थासय् दु । उतिग्यंक कासां २३गू ल्याः मुंकुगु सिटी निगूगु थासय् दु ।

शिर्ष थाय्या चेल्सीया धाःसा २६गू ल्याः दु । वंगु चान्हय्सिया कासाय् चेल्सीं बर्न्लेलिसे १गू–१गू गोलया ज्वलिन्ज्वः कासा म्हितुगु दु ।

चेल्सीया काइ हाभर्ट्जं न्हापांगु गोल याःसा नं बर्न्लेया माटेइ भिड्रां ज्वलिन्ज्वः गोल यायेधुंका चेल्सी ल्याः इनेत बाध्य जूगु खः ।

Categorized in कासा