सिटीयात युनाइटेड त्याकल
लहनान्युज | सिल्लाथ्व पुन्हि ११४०
प्रिमियर लिग अन्तर्गत म्यानचेस्टरया डर्बीइ युनाइटेडं साविक विजेता सिटीयात शानदार त्याकुगु दु ।
आइतवाः चान्ह्य जुगुु कासाय् म्यानचेस्टरया डर्बीइ युनाइटेडं सिटीयात २–० गोलं त्याकुगु दु । उगु कासाय् युनाइटेडया लागि एन्टोनी मार्सियल व स्कट म्याकटोमिनीं छगु छगु गोल याउगु खः ।
कासाया ३० गु मिनेटय् मार्सियलं छगु गोल व इन्जुरी इलय् म्याकटोमिनीं छगु गोल याना युनाइटेडं २–० त्याकुगु खः ।
आः २९ कासापाखे ४५ ल्याः हया युनाइटेड लिगया न्यागुगु थासय् थ्यःगु दुसा सिटी २८ कासापाखे ५७ ल्याः निगुगु थासय् थ्यःगु दु ।
