'सिफारिस याःपिं नेतातय्त नं छानबीन यायेमाः'
लहनान्यूज सम्वाददाता | ने.सं. ११३६ कौलागा एकादशि, २६ अक्टोबर २०१६
नेपाली कांग्रेसया नेता चन्द्र भण्डारीं अख्तियार प्रमुख लोकमान सिंह कार्कीया ज्याखँ चित्त बुझेमजूगु धयादीगु दु ।
अथेखःसां कांग्रेसयात मसीकुसें हे महाअभियोग दर्ता याःगु धयादिसें कांग्रेसं आः थत्थें हे क्वःमछीगु भण्डारीं धयादिल । थौं बुधबाः रिपोर्टस क्लब नेपालं ग्वसाः ग्वःगु साक्षात्कार ज्याझ्वलय् न्ववानादिसें नेता भण्डारीं उगु खँ धयादीगु खः ।
वय्कलं प्रस्ताव बांलाःगु हे तातुनां वःगु जूसां नं थुकिया शैलि व तरिका धाःसा पाय्छि मजूगु धयादिल ।
नेता भण्डार्री लोकमानयात सुयागु दबाबय् वा धेबाया प्रलोभनय् वा लोकमानया विकल्प मदुगुलिं अख्तियारया प्रमुख आयुक्त दय्कूगु खः धकाः न्ह्यसः तयादिसें थुकियात कयाः नियुक्त याःपिन्सं हे लिसः बीमाःगु धयादिल । वय्कलं आयुक्तया नितिं सिफारिस याःपिं नेतातय्त नं छानबीन यायेमाःगु व उमिसं थुगु खँय् लिसः बीमाःगु नं धयादीगु दु ।
Categorized in राजनीति
