सिरहाय् सीम्ह कोरोना संक्रमण पुष्टि
लहनान्युज | ञंलाथ्व ४ ११४०,भाद्र ६ सनिवाः
सिरहाय् सीम्ह छम्ह मिजंम्ह कोरोना संक्रमण पुष्टि जूगु दु ।
वःगु भदौ ३ गते सीम्ह मिर्चैया नगरपालिका वडा नं. ४ या ६८दँया मिजंम्ह शुक्रवाः चान्ह्य कोरोना संक्रमण पुष्टि जूगु धका जिल्ला स्वास्थ्य कार्यालयया प्रमुखं जानकारी बिःगु खः ।
वयात भदौ २ गते गामय् हे स्वाब संकलन याःगु खः । वयात चिनि ल्वय् व उच्च रक्तचापया ल्वय् दुम्ह खः ।
स्वाब संकलन याना प्रादेशिक प्रयोगशाला छ्वःगु व रिपोर्ट मवनिगु इलय् हे भदौ ३ गते मदुगु धका स्वास्थ्य कार्यालय प्रमुखं धाःगु दु ।
वयात कोरोना संक्रमण पुष्टि जुइवं कन्ट्याक्ट ट्रेसिङ्गया ज्या शुरु जुगु दु ।
थ्व नाप सिरहाय् कोरोना संक्रमण पुष्टि जूया सीपि स्वम्ह थ्यःगु दु ।
Categorized in राष्ट्रिय
