सिरी ए ड्याबाला दँया उत्कृष्ट कासामि जुल
लहनान्युज | गुंलागा २ ११४०,साउन २१ बुधवाः
युभेन्ट्सया फरवार्ड पाउलो ड्याबाला सिरी ए सिजनय् थुगु दँया दकलय् उत्कृष्ट खेलाडी घोषित जूगु दु ।
क्लबया सहकःमि क्रिस्टियानो रोनाल्डोयात ल्युने लाका ड्याबाला थुगु दँया सिजनय् प्लेयर अफ द इयर अवार्ड जुइत ताः लागु दु ।
सिरी ए दँय् दँसै लःल्हाइगु थुगु अवार्ड ड्याबालायात बिइगु निर्णय याःगु दु । रोनाल्डों निगु सिजनय् थुगु अवार्ड कायेत ताः मलागु दु । न्हापागु सिजनय् थुगु अवार्ड रोनाल्डो काःगु खः ।
इटालियन फुटबलया सर्वोच्च संस्थां अर्जेन्टिनाया अन्तराष्ट्रिय कासामि मूल्यवान कासामिया रुपय् अवार्ड प्रदान याःगु खः ।
ड्याबालां थुगु सिजनय् ३३ गु कासाय् ११ गोल याना ११ गोलया अवसर तक सिर्जना याःगु खः ।
रोनाल्डो युभेन्ट्स वये धुका ड्याबाला न्हुगु भूमिकाय् थःत स्थापित यायेगु कुतः याना च्वंगु खः । मौरिसियो सर्री युभेन्ट्स वये धुका ड्याबालायात न्हुगु जिम्मेवारी बिःगु खः ।
प्लेमेकरया जिम्मेवारी काःम्ह ड्याबालां लगातार गुक्वः तक युभेन्ट्सयात लिग त्याकेगु लागि महत्वपूर्ण जिम्मेवारी निर्वाह याःगु खः ।
Categorized in कासा
