२०८० चैत्र १६, शुक्रबार

सिल्भायात कोरोना संक्रमण

लहनान्युज | ञंलाथ्व १४ ११४०,भाद्र १६ मंगलवाः

स्पेनिस क्लब रियल सोसिडाडया मिडफिल्डर डेभिड सिल्भायात कोरोना भाइरसया संक्रमण खने दुगु दु ।
 
ला लिगा क्लब सोसिडाडं सोमवाः सिल्भायात कोरोना पुष्टि जूगु दु । सिल्भा आः सेल्फ आईसोलेसनय् च्वनाच्वंगु द ।
 
सिल्भा नकतिनि प्रिमियर लिग क्लब म्यान्चेस्टर सिटीपाखे स्पेन वःगु खः । वयात छु न कथंया कोरोनाको लक्षण खने मदुगु धका क्लबं धाःगु दु । 
 
सिल्भां नकतिनि हे सोसिडाड नाप निदँया सम्झौता याःगु खः । सिल्भा सन् २०१० लय् भ्यालेन्सियापाखे सिटी वःगु खः ।
 
सिल्भा सिटीपाखे ४ सय ३६गु कासा म्हिता १४ गु उपाधि त्याकुगु खः । सिल्भा स्पेनं सन् २०१० य् जूगु विश्वकप त्याकूगु इलय् छम्ह दुजः न खः।
Categorized in कासा