सीपि निम्ह कोरनाया कारण मखु
लहनान्युज | चौलाथ्व षष्ठी ११४०,चैत्र १९ गते
पाटन अस्पताल व वीर अस्पतालय् सीपिं निम्ह कोरोनाया संक्रमण मजूगु धका पुष्टि जूगु दु ।
थौं मंगलवाः न्हिनय् पत्रकार सम्मेलन यासें स्वास्थ्य तथा जनसंख्या मन्त्रालयं सीपिं निम्हं कोरानाया मजुगु धका स्पष्ट याःगु खः ।
परिक्षण यायेगु लागि नमुना संकलन यानाः राष्ट्रिय जनस्वास्थ्य प्रयोगशाला टेकुइ छ्वःगु खः । परिक्षण लिपा निम्हेसियां लिच्वः नेगेटिभ वःगु दु ।
कोरोनाया आशंकाय् अस्पताल भर्ना जुपिं निम्हं सोमवाः अस्पतालय् सीगु खः । सोमवाः पाटनय् अस्पतालय् सीम्ह धादिङया खःसा वीर अस्पतालय् सीम्ह चन्द्रागिरी नगरपालिका याम्ह खः ।
