सुपर ओभरय् बैंगलोरया रोमाञ्चक जित
१३ क्वःगु सस्करणया इन्डियन प्रिमियर लिग (आईपीएल) टी–ट्वान्टी क्रिकेटय् रोयल च्यालेन्जर्स बैंगलोरं सुपर ओभरय् त्याकूगु दु । सोमवाः चान्ह्य जुगु कासाय् बैंगलोरं मुम्बई इन्डियन्सयात सुपर ओभरय् बूकुगु दु। 
 
सुपर ओभरय् मुम्बई न बिःगु ८ रनया लक्ष्य बैंगलोरं ६ बलय् ११ रन दयकूगु दु । बैंगलोरया लागि एबी डिविलियर्स न ६ रन व विराट कोहली न ५ रन दयेकूगु खः। 
 
सुपर ओभरय् मुम्बईया लागि हार्दिक पाड्या न २ रन दयकूगु खःसा किरन पोलार्ड न ५ रन दयेकूगु खः । बैंगलोरया लागि नवदिप सैनि न पोलार्डया विकेट काःगु खः। 
 
थ्व स्वया न्ह्य बैंगलोर बिःगु २०२ रनया लक्ष्य मुम्बई न निर्धारित २० ओभरय् ५ विकेटय् २०१ रन दयेकूगु खः। मुम्बईया लागि इशान्त सकुन व किरन पोलार्ड न अर्धशतकीय म्हितूगु खः। ५८ बलय् इशान्त न ९९ रन, पोलार्ड ६० रन, मुम्बईया लागि हार्दिक पाड्यां १५ रन व क्विन्टन डी कक १४ रनया योगदान दयेकूगु खः। 
 
बलिङय् बैंगलोरया लागि युजिभेन्द्र चहाल, आदम जाम्प, इस्रु उडान व वासिन्टन सुन्डर न छगु छगु विकेट काःगु खः। 
 
व स्वया न्ह्य टस बुया न्हापागु ब्याटिङ याना बैंगलोरया लागि देबदत्त पाडिकल, एबी डिविलियर्स व अरोन फिन्च न अर्धशतकीय म्हितूगु खः। बैंगलोरया लागि एबी डिविलियर्स २४ बलय् ५५ रन, शिभम डुबे न २७ रन व कप्तान विराट कोहली न ३ रन दयेकुगु खः। 
 
बलिङपाखे मुम्बईया लागि ट्रेन्ट बोल्ट न निगु विकेट व राहुल चहार न छगु विकेट काःगु खः।
Categorized in कासा