येँया नाचघरय् जूगु बूदिंया भिंतुना म्ये कासा ज्याझ्वलय् सुरजवीर बज्राचार्यया याकः सलय् ‘दोहलपा’ पिथन । वरिष्ठ संगीतकार अमरराज शर्मां, सुरजवीरया अबुजु चित्रवीर बज्राचार्य, इलाेहं प्रकाशनया प्रवन्ध निर्देशक नरेशवीर शाक्यं उगु म्येचाः सार्वजनिक यानादिल ।

 

म्येचाकलय् सुरजवीरं निभाः म्ये धेधेबल्ला कासाय् दकले बांलाम्ह म्येहालामिया सिरपा त्याकादीगु वरिष्ठ संगीतकार शर्मां हे च्वयादीगु व संगीत बियादीगु ‘तसकं यःम्ह’ दुथ्यानाच्वंगु दु ।

 

थुकथं हे म्येहालामि बज्राचार्यया हे च्वसाय् हिपहप ‘नेवाः अधिकार’, लोकंह्वाःम्ह गितारवादक फिरोज बज्राचार्यको संगीतय् म्येाहालामिया थःगु च्वसाय् ‘आः जिं लिफः स्वयाः’, धर्मकृष्ण सिकर्मीया च्वसाय् व संगीतय् ‘म्हगसय् वयाः’ व ज्ञानेश्वर निभाःया सलय् अतिकं लोकंह्वाःगु द्वारिकालाल जोशीया म्ये ‘अय् लमि तता’ नं थःगु सलय् हालाः थुकी दुथ्याकादीगु दु ।

 

 

थुगु म्येचाकलय् म्येहालामि बज्राचार्यया थीथी म्येचाकलय् पिदंगु लोकं ययेकूगु म्ये सुरज ब्यञ्जनकारया संगीतय् ‘का रे मय्जु छसलिं अय्ला’, ‘मस्यू जितः छु जुयाः वल’, ‘जि सिपँय् द्यनाच्वना’ न्हूच्छेकाजी महर्जनया संगीतय् ‘मतिनाया छपौ’, भूषणप्रसाद श्रेष्ठया च्वसाय् वदन शर्माया संगीतय् ‘छंत गुबलें खंगु मदुसां’, याेगरत्न शाक्यया च्वसाय् कान्छा गुरूजु अकेलाया संगीतय् ‘बरसेजू बरसात सुपाँय्’ नं दुथ्याकातःगु दुसा अतिकं लाेकंह्वाःगु ग्यानापु स्टाइल नं म्येचाः दाेहलपाय् दुथ्याकातःगु दु ।

 

थुगु म्येचाकलय् दुथ्याःगु छपु म्ये ‘नेवाः अधिकार’या लिरिकट भिडियाे ।

https://youtu.be/s1jmHWPDAEw

Categorized in मनोरन्जन