२०८० चैत्र १५, बिहिबार

सेरेना यूएस ओपनया सेमीफाइनलय्

लहना न्यूज | ने.सं. ११३९ ञलाथ्व षष्ठि (४ सेप्टेम्बर, २०१९), बुधवाः

सेरेना विलियम्स यूएस ओपन टेनिसया सेमिफाइनलय् दुहांवंगु दु । 
 
थौं बुधवाः सुथय् जूगु क्वाटरफाइनलय् सेरेनां चीनया वाङ क्विङयात बुकूसें सेमीफाइनलय् दुहांवंगु खः । ३७ दँ दुम्ह सेरेनां क्विङयात बुकेत मुक्कं ४४गू मिनेट जक काःगु खः । सेरेनां ६–१ व ६–०या तप्यंक निगू सेटं बुकूसें सेमीफाइनलय् थःगु थाय् पक्का याःगु खः ।
 
सेरेनां आः फाइनलय् दुहां वनेगु नितिं इलिना भिटोलिनालिसे धेंधें बल्ला याइ । भिटोलिनां नं क्वाटरफाइनलय् जाहना कोन्टायात ६–४ व ६–४या सेटं बुकाः सेमीफाइनलय् दुहांवंगु खः ।
Categorized in कासा