सोमपाल न क्यानडाया ग्लोबल टी–२० क्रिकेट म्हितिगुु
लहनान्युज | तछलागा पंचमी ११३९ (जुन २२ २०१९)
क्यानडाय् ग्लोबल टी–२० क्रिकेट कासाय् नेपाली क्रिकेटर सोमपाल कामी म्हितिगुु जुगु दु ।
येँ छगु पत्रकार सम्मेलन यासे सोमपाल कामीं थः तसक उत्साहित नाप तसक लय्ता धका धाःगु खः ।
सोमपालं ग्लोबल टी–२० क्रिकेट कासाय् म्हितेगु पक्का जुगु नाप आः नेपाली निम्ह क्रिकेटर अन्तर्राष्ट्रिय मैदानय् थ्यनिगु जुगु दु । थनि निदँ न्ह्य सन्दीप लामिछानें अन्तर्रा्ष्ट्रिय फ्रेन्चाइज लिग म्हितिगु खः ।
सोमपालयात विनिपिग हक्सं थःगु क्लबय् अनुबन्धित याःगु खः । सोमपाल नाप विश्व चर्चित कासामिपिं ड्यारेन ब्राभो, जेपी डुमिनी, साइमन अनवरपि नाप छःगु हे टमय् म्हितिइ ।
ग्लोबल टी–२० क्यानडा कासा वइगु जुलाई २५ तारिख निसे सुरु जुइ त्यःगु खः ।
आईसीसी टी–२० विश्वकपय् एसिया क्षेत्र छनोटया फाइनल राउण्ड जुलाई २८ तारिख जक सिधइगु जुगुनि निम्ह क्रिकेटर छु दिं लिपा जका क्यानडा थ्यनि ।
