सोमालियाया २१म्ह अल शबाब पुचःया लडाकुपिन्त मृत्युदण्ड
बछलागा ११४१ चर्तुर्थी, असार १४ सोमबाः
अफ्रिकी देय् सोमालियाय् विद्रोही पुचःया २१म्ह लडाकूपिन्त मृत्युदण्ड बिउगु दु ।
विद्रोही पुचः अल सबाबया दुजः जूग प्रमाणित जुइवं छगू सैनिक अदालते उपिन्त मृत्युदण्डया सजाय न्यंकूगु खः । सोमालियाया अर्ध स्वायत्त पन्तल्याण्ड राज्यय् छक्वलं गोलीं कय्का उपिन्त मृत्युदण्ड बिउगु खः ।
मृत्युदण्ड बिउपिंमध्ये १८म्ह दशकौंनिसें बम हमला व आतंकवादी हमलाय् आबद्ध जुयाच्वंगु सोमालिया सरकारं न्ह्यथंगु दु । सोमालियायाय इतिहासय् थथे कठोर सजायँ बिउगु थ्वः न्हापांखुसी खः ।
उपिन्त मृत्युदण्डया सजायँ बिइगु ईलय् बिद्रोही पुचः अल सबाबं सोमालियाया मेमेगु शहरय् आतंकवादी हमला यायबलय् यक्वः सैनिकपिं सीगु खः ।
Categorized in अन्तर्राष्ट्रिय