सोलिडारिटि कप त्याकामिपिन्त २ लख
लहनान्यूज सम्वाददाता | थिंलाथ्व दशमि ११३७ (डिसेम्बर ९ २०१६)
अखिल नेपाल फुटबल संघ, एन्फां मलेसियाय् क्वचाःगु एएफसी सोलिडारिटी कप फुटबल त्याकामि पुचःयात म्हतिं ३ लख तका बीगु क्वःछ्यूगु दु।
एन्फाया थौं च्वंगु कार्यसमिति मुँज्यां कासा त्याकूगु नेपाली टिमया कासामिपिन्त म्हतिं ३ लख तका बीगु क्वःछ्यूगु खः ।
अथे हे, एन्फाया वरिष्ठ न्वकुलिइ मणि कुँवर मनोनीत जूगु दु । कुँवर एन्फाया इतिहासय् न्हापांम्ह निर्वाचित न्वकू खः ।
लिसें, एन्फां न्वकुलिइ सिन्धुपाल्चोक फुटबल संघया नायः वीरबहादुर खड्कायात मनोनीत याःगु दु ।
एन्फाया थुगु निर्णयप्रति असन्तुष्टि क्यनाः न्वकू किशोर राई व कार्यसमिति दुजः पंकजविक्रम नेम्वाङं धाःसा ‘नोेट अफ डिसेन्ट’ च्वःगु दु ।
कार्यसमिति मुँज्यां थ्रीस्टार क्लबं एएफसी क्लब च्याम्पियनसिपया प्लेअफय् म्हिते मखंगुलिइ जूगु गल्तीबारे अनुसन्धान यायेत स्वम्ह दुजःया समिति दयेकूगु दु । समितियात प्रतिवेदन तयार यायेत १५न्हुया ई ब्यूगु दु ।
Categorized in कासा