सोलिडारिटि कप : नेपालं उपाधि त्याकल
लहनान्यूज सम्वाददाता | कछलागा पारु ११३७ (नोभम्बर १५ २०१६)
एएफसि सोलिडारिटि कपया फाइनलय् मकाउयात १÷० गोलं बुकाः नेपालं उपाधि त्याकाकाःगु दु ।
मलेसियाय् नकतिनि जक क्वचाःगु फाइनल कासाय् २९गूगु मिनेटय् सुजल श्रेष्ठं याःगु गोल हे कासा निर्णायक गोल जुल ।
वा वयाः लः हे लः जूगु ख्यलय् नेपालं मकाउयात निरन्तर दबाबय् तःगु खः ।
थुगु कासा त्याःगुलिसें नेपालं अन्तर्राष्ट्रिय स्तरया उपाधि ह्याट्रिक याःगु दु । थ्वयां न्ह्यः नेपालं बंगबन्धु गोल्डकप व साग फुटबलया उपाधि नं त्याकेधुंकूगु दु ।
नापं नेपालया नितिं थुगु उपाधि एशियालि स्तरया कासाय् नेपाःया नितिं न्हापांगु नं जूगु दु ।
Categorized in कासा
