सौरभ गांगुली बीसीसीआई या अध्यक्ष जुइगु
सौरभ गांगुली भारतीय क्रिकेट कन्ट्रोल बोर्ड (बीसीसीआई) या अध्यक्ष नाप गृहमन्त्री अमित शाहया काय् जय शाह सचिव जुइगु पक्का जुगु दु । 
 
 
अथेहे बीसीसीआई व कर्नाटक राज्य क्रिकेट एसोसिएसनया पूर्व क्रिकेट कासामि ब्रजेश पटेलयात आईपीएलया न्हुम्ह अध्यक्ष दयेके त्यःगु दु ।
 
 
४७ दँया सौरभ गांगुली भारतीय क्रिकेट टिमया पूर्व कप्तान न खः । गांगुली थौंकन्ह्य बंगाल क्रिकेट संघया अध्यक्ष न खः । 
 
 
बीसीसीआईलय् न्याम्ह दुजः पदया लागि १४ अक्टुवर सोमवाः मनोनयन दर्ता व २३ अक्टुवरय् चुनाव खः ।
 
 
थुगु पटक चुनाव मजुसे दक्को हे पद निर्विरोध निर्वाचित जुइगु पक्का दु ।
 
 
Categorized in कासा