स्थानीय तगिंयात असार १०गते दुने बजेट पितबीत निर्देशन
लहनान्युज | ने.सं. ११३९ तछलाथा पञ्चमि (२२ जुन, २०१९), सञ्चवाः
संघीय सरकारं स्थानीय तगिंयात असार १०गते दुने हे बजेट पितबीत निर्देशन ब्यूगु दु ।
संघीय मामिला तथा स्थानीय विकास मन्त्रालयं अर्थ मन्त्रालयया पौ कथं असार १०गते दुने हे स्थानीय तगिमं थःथःगु गां व नगरसभाय् बजेट न्ह्यब्वय् धुंकेत निर्र्देशन ब्यूगु खः ।
अन्तरसरकारी वित्त हस्तान्तरण ऐन कथं स्थानीय तगिमं असार १० गतेतक बजेट न्ह्यब्वयेगु ज्या क्वचायेकेमाः । थुगु व्यवस्थाया स्मरण याकूसें संघीय सरकारं स्थानीय तगिंयात इलय् हे बजेट हयेत ध्यानाकर्षण याकूगु खः ।
इलय् हे बजेट मवःसा संघीय सरकारपाखें सम्बन्धित स्थानीय तगिंतक वनीगु अनुदान व राजश्व वाँडफाँडया प्रबद्र्धनय् समस्या वइगु नं ख्याच्वः अर्थ मन्त्रालयं ब्यूगु दु ।
Categorized in राजनीति
