स्पेनिस ला लिगा फुटबलया उपाधिइ बार्सिलोनायात झट्का, लेमान्टेलिसे ज्वलिंज्व
कछलाथ्व पारु ११४१,बैसाख २९ बुधवाः
स्पेनिस ला लिगा फुटबलय् बार्सिलोना लेभान्तेलिसे ज्वलिन्ज्वःलय् दिउगु दु । वंगु चान्हय् जूगु कासाय् लेभान्तेलिसे बार्सिलोना ३गू –३गू गोलया ज्वलिन्ज्वःलय् दिउगु खः ।
न्हापांगु हाफय् लियोनल मेस्सी व पेड्रो गोन्जालेज लोपेजं छगू छगू गोल याना बार्सिलोनायात २–० या गोलं अग्रता चूलाकुगु खः । तर निगूगु हाफय् उगु अग्रता कायम जुइ मफुत ।
लेभान्तेया गोन्जालो मेलेरो व जोसे लुइज मोरालेसं गोल याना कासा २गू–२गू गोलया ज्वलिन्ज्वःलय् थ्यंकुगु खः । ६४गूगु मिनेटय् उसमान डेम्बेलें गोल याना हाकनं बार्सिलोनायात अग्रता चूलाकल । तर ८३गूगु मिनेटय् लेभान्तेया सर्जिओ लिअनं ज्वलिन्ज्वः गोल याःगु खः ।
कासा ज्वलिन्ज्वः जूगु लिसें निगूगु थाय्या बार्सिलेनाया निगू कासा ल्यं दनिबलय् ७६गू ल्याः जूगु दु । ३गू कासा म्हितेत ल्यं दूगु शीर्ष थाय्या एथ्लेटिको मड्रिडया ७७गूगु व ३गूगु थाय्या रियल मड्रिडया ७५गू ल्याः दु ।
ला लिगा अन्तर्गत वंगु चान्हय् जूगु मेगु कासाय् ओसासुनां काडिजयात ३गू–२गूया गोल अन्तरं व एलाभेसं एल्चीयात २–०या गोल अन्तरं बुकुगु दु ।
Categorized in कासा
