स्पेनिस ला लिगा फुटबलय् बार्सिलोना बराबरी रोके जुल
लहनान्युज | दिल्लाथ्व अष्टमी ११४०,असार १४ आइतवाः
शनिवाः चान्ह्य जूगु कासाय् बार्सिलोना घरेलु टिम सेल्टा भिगो नाप निगु निगु गोलया बराबरीइ राके जूगु दु । बार्सिलोनाया लागि लुइस स्वारेज हे निगु गोल याःगु खः ।
सेल्टाया लागि फेडोर, स्मोलोभ व इयागो आसपसं छगू छगू गोल याःगु खः ।
उपाधि दाबेदार कयातम्ह बार्सिलोनां २०गूं मिनेटय् स्वारेजया गोल न्ह्यने लाःगु खःसा ५०गू मिनेटय् फेडोरया गोलं घरेलु टोली छगू छगू गोलया बराबरी जूगु खः ।
अथेहे ६७ गू मिनेटय् स्वारेजाया निगु गोलं बार्सिलोनायात छगू गोल हाकन न्ह्यने लाकूगु खःसा मेगु ८८गूं मिनेटय् मेगु गोलयासे कासा बराबरी जुगु दु ।
थुगु कासा बराबरी लिपा बार्सिलोनाया ३२ गू कासाय् ६९ल्याः दु छगू कासा कम म्हितुगु रियलया ६८ ल्याः दु । अथेहे ३४ ल्याखं सेल्टा १६ गू थासय् लाना च्वंगू दु ।
