स्पेनिस लिग फुटबलय् ग्रानाडायात बुकल रियाल मड्रिडं
कछलागा तृतीया ११४२, मंसीर ६ सोमवाः
स्पेनिस लिग फुटबलय् ग्रानाडायात बुकाः रियाल मड्रिड ल्याः धलःया शिर्ष थासय् थहांवंगु दु ।
वंगु चान्हय् जूगु कासाय् रियाल मड्रिडं ग्रानाडायात वयागु हे मैदानय् ४–१ गोलं बुकाबिल । रियालया लागिं मार्को एसेन्सीयो, नाचो, भिनिसियस जुनियर व फर्लान्ड मेण्डीं १, १ गोल यात ।
ग्रानाडाया लुइस सुवारेजं १ गोल लितबिल । वंगु बहनी हे जूगु मेगु कासाय् रियाल सोसीडाड भ्यालेन्सीयालिसे गोल मजूगु ज्वलिंज्वः म्हितेधुंकाः रियाल मड्रिड शिर्ष थासय् थहांवंगु खः ।
१३ कासां रियाल मड्रिडया ३० ल्याः दुसा छगू कासा अप्वः म्हितूगु सोसीडाड २९ ल्याःलिसें निगूगु थासय् दु । १३ कासां २० ल्याः मुंकूगु बार्सिलोना खुगूगु थासय् दु ।
Categorized in कासा