स्वगू मिनेतय् रोनाल्डोया निगु गोल
लहनान्युज | गुंलाथ्व पारु ११४०,साउन ६ गते
क्रिस्टियानो रोनाल्डोया निगु गोलया ग्वाहालि युभेन्टसं इटालियन सिरी एमा लाजियोयात २—१ गोल त्याःगु दु ।
रोनाल्डों स्वगू मिनेटय् निगू गोल याःगु दु । लाजियोयात सिरो इम्मोबाइलं छगू गोल याःगु खः । लिगय् आः प्यःगु चरण कासा ल्यःदनिगु इलय् युभेन्ट्स लिगय् ल्यु लाना च्वंगु इन्टरनाप च्याःगु ल्याखं न्ह्यने दु ।
युभेन्ट्स थःगु घरेलु मैदान एलिएन्ज स्टेडियमय् कासाय् रोनाल्डाें ५१गू मिनेट व ५४गू मिनेटय् गोल याःगु खः । अथहे, ८३ गु मिनेटय् इम्मोबाइलं लाजियोया लागि पेनाल्टीं छगू सान्त्वना गोल याःगु खः ।
थुगु कासालिपा ३४ कासाय् युभेन्ट्सया ८० ल्याः दु । अथेहे समान कासाय् इन्टरया ७२ ल्याः दु ।
रोनाल्डोको कीर्तिमान
लाजियोविरुद्ध निगू गोल यासे रोनाल्डाें युरोपया स्वगू लिगय् ५० गोल पूरा याम्ह न्हापाम्ह कासामि जूगु दु । रोनाल्डों प्रिमियर लिग, ला लिगा व सिरी ए याना ५० गोल पूरा याःगु खः ।
रोनाल्डो व इम्मोबाइल थुगु सिजन दकलय् अप्व गोल यापि कासामि खः । निम्हसिया न समान ३० गोल याःगु दु । रोनाल्डो २००७ व ०८ लिपा गोल्डेन बुट त्याकिम्ह न्हापाम्ह युभेन्ट्सया कासामि जुइगु लक्ष्य दु ।
