स्वनिगःलय् ‘स्मार्ट लकडाउन’ सम्बन्धी मेगु आदेश जारी जूगु दु ।

कोरोना संक्रमण अप्वयावनेधुंका स्वनिगःया ३गू हे जिल्ला प्रशासन ज्याकुथिं छगू हे कथंया आदेश जारी याःगु खः । म्हिगः बाचानिसें लागू जुइगु आदेशय् माघ मसान्त तक्क आमसभा, जुलुस, सभा, भेला लिसेंया ज्यापहः यायेगुलिइ रोक तःगु दु ।

अथेहे गोष्ठी, सेमिनार, समीक्षा, मुँज्या थेंज्यागु ज्यापहः सञ्चालन यायेबलय् भर्चुअल माध्यमं यायेत प्रशासनं धाःगु दु । भौतिक रुपय् उपस्थित जुया यायेमाःगु ज्याया नितिं २५म्ह तक्क जक दुथ्यायेत प्रशासनया सूचंनय् धयातःगु दु ।

सिनेमा हल, डान्सबार, दोहोरी, नाचघर, क्लब, हेल्थ क्लब, जिमखाना, स्विमिङ पुल लिसेंयात १५ गते तक्क बन्द यायेगु निर्णय नं प्रशासनं याःगु दु । धार्मिकस्थलमा जनस्वास्थ्यका मापदण्ड पालना याना माघ मसान्त तक्क नित्य पूजा, ध्यान व प्रार्थना जक यायेगु याकेगु नं प्रशासनया आदेशय् धयातःगु दु ।

सार्वजनिक थासय् माघ ७ निसें अनिवार्य खोप कार्ड क्यनेमाःगु सार्वजनिक यातायातय् सिट क्षमता सिवें अप्वः यात्रु तये मदइगु लिसेंया निर्णय नं प्रशासनं याःगु दु ।

Categorized in राष्ट्रिय