स्वनिगः दुने ४०८म्ह सक्रमित नाप देययकं १५६६म्ह डिस्चार्ज
लहनान्युज | ञंलागा ३ ११४०,भाद्र २० सनीवाः
वःगु २४ घन्टाय् स्वनिगःदुने थप ४०८ म्हेसित कोरोना संक्रमित खनेदुगु दु ।
अथेहे येँ जक ३२६म्हेसित कोरोना संक्रमित खनेदुगु दु । यलय् ३७ व ख्वपय् ४५म्हेसित संक्रमित जूगु दु धका स्वास्थ्य तथा जनसंख्या मन्त्रालयं शनिवाः धाःगु दु ।
स्वास्थ्य मन्त्रालयं २४ घन्टाय् दुने शुक्रवाः स्वनिगः दुने ४५४म्हेसित कोरोना संक्रमित पिहावःगु दु ।
मन्त्रालयया कथं आतक पीसीआर विधिपाखे ७ लाख ५७ हजार ९६३म्हेसिगु परीक्षण याये धुकुगु दु । अथेहे २४ घण्टाय् १२ हजार ४७३म्हेसिगु पीसीआर परीक्षण याये धुकुगु दु ।
आःतक क्वारेन्टाइनय् ६ हजार ७०१म्ह च्वना च्वंगु दु । अथेहे सकृय संक्रमितपि १७ हजार ८७०म्ह दु ।
२४ घन्टाय् १ हजार ५६६ म्ह डिस्चार्ज जूगु दु । आःतक डिस्चार्ज जुपि २७ हजार १२७ म्ह थ्यःगु दु धका स्वास्थ्य तथा जनसख्या मन्त्रालयया प्रवक्ता डा जागेश्वर गौतमं धाःगु दु ।
थ्व नाप डिचार्जं जुपि प्रतिशत ६० थ्यःगु दु ।
Categorized in राष्ट्रिय