स्वनिगः दुने ४३१म्हेसित कोरोना पुष्टि
लहनान्युज | ञंलागा १० ११४०,भाद्र २७ शनीवाः
स्वनिगः दुने थौं शनिवाः ४३१म्हेसित कोरोना संक्रमित जुगु दु । स्वास्थ्य तथा जनसंख्या मन्त्रालय न थौं शनिवाः मिडिया ब्रिफिङय् येँ जक ३७७म्हेसित कोरोना संक्रमित जुगु धका धाःगु दु ।
अथेहे ख्वपय् १७ व यलय् ३७म्हेसित संक्रमण पुष्टि जुगु धका जानकारी बिःगु दु ।
येँय् संक्रमण पुष्टि जूपि मध्ये १५०म्ह मिसा व २२७म्ह मिजंपि खः । अथेहे, ख्वपय् न्याम्ह मिसा व १२ म्ह मिजं संक्रमण खने दुगु दु । यलय् १६म्ह मिसाव २१म्ह मिजंपिन्त
संक्रमण खने दुगु खः ।
थ्व नाप येँ ९ हजार १०५म्ह, यलय् ११२८ व ख्वपय् ९०८म्हेसित कोरोना संक्रमण पुष्टि जुइ धुकुगु दु ।
म्हिगः शुक्रवाः स्वनिगलय् जक ६९६म्ह कोरोना संक्रमण पुष्टि जूगु खः ।
थ्व नाप नेपालय् कोरोना संक्रमितपि ५३ हजार १२०म्ह थ्यःगु दु । अथेहे संक्रमित मध्ये ७०.६ प्रतिशत डिस्चार्ज जुइ धुकुगु दु । नेपालय् कोरोनां आःतक ३३६ म्ह सी धुकुगु दु।
Categorized in राष्ट्रिय
