स्वनिगलय् छन्हु ५९७म्ह कोरोना संक्रमित
लहनान्युज | ञंलागा ११ ११४०,भाद्र २८ आईतवाः
स्वनिगः दुने थप ५९७म्ह कोरोना संक्रमित खने दुगु दु । वःगु २४ घन्टाय् येँ जक ४८३म्हेसित कोरोना सक्रमण पुष्टि जुगु दु ।
अथेहे ख्वपय् ८१म्ह व यलय् ३३म्हेसित संक्रमण पुष्टि जुगु दु धका स्वास्थ्य तथा जनसंख्या मन्त्रालयं थौं आइतवाः जानकारी बिःगु दु ।
अथेहे देय् यकं २४ घन्टाय् १ हजार ३९म्हसित संक्रमण पुष्टि जूगु दु ।
२४ घन्टाय् पीसीआर परीक्षण ९ हजार १६५म्हेसिगु याःगु खः धका स्वास्थ्य तथा जनसंख्या मन्त्रालयया प्रवक्ता डा जागेश्वर गौतमं धाःगु दु । आःतक ८ लाख ४० हजार ५२७म्हेसिगु पीसीआर विधिपाखे परीक्षण याःगु धका धाःगु दु ।
थौं आइतवाः तकया तथ्यांक कथं आइसोलेसनय् च्वना वासः याना वयाच्वपि १५ हजार ११७म्ह व क्वारेन्टाइनय् च्वना च्वपि ६ हजार ५३६म्ह दु धका धाःगु दु ।
२४ घन्टाया दुने सीपि कोरोना संक्रमणपाखे गुम्ह जुुगु दु धका प्रवक्ता गौतमं धाःगु दु।
Categorized in राष्ट्रिय
